తహవూర్ రాణా అప్పగింప భారత దౌత్య విజయమే : అమిత్ షా

ముంబై పేలుళ్ల కేసులో నిందితుడు తహవూర్ రాణా నేడు భారత్ కి రానున్న విషయం తెలిసిందే. అయితే దీనిపై కేంద్ర హోంశాఖ మంత్రి అమిత్ షా స్పందించారు. అతడి అప్పగింత అన్న విషయం భారత్ కి అతిపెద్ద దౌత్య విజయంగా పేర్కొన్నారు. భారత్ కి, ఇక్కడి ప్రజలకు హాని కలిగించే వ్యక్తులను ప్రధాని మోదీ నేతృత్వంలోని ప్రభుత్వం విడిచిపెట్టదని ప్రకటించారు. బాంబు పేలుళ్లు ఎవరి హయాంలో జరిగాయో వారు అతడ్ని వెనక్కి తీసుకురాలేకపోయారని, కానీ.. తాము తిరిగి తీసుకొస్తున్నామని ప్రకటించారు. తహవూర్ రాక భారత్ కు అతిపెద్ద దౌత్య విజయమని అన్నారు. ఇది మోదీ ప్రభుత్వ దౌత్య నైపుణ్యాన్ని, న్యాయంపై వున్న నిబద్ధతను తెలియజేస్తోందని పేర్కొన్నారు. దేశానికి వ్యతిరేకంగా దాడులు చేసే వారిని మోదీ ప్రభుత్వం వెంటాడుతూనే వుంటుందని ప్రకటించారు.

 ముంబై పేలుళ్ల కేసులో నిందితుడు తహవూర్ రాణాను అమెరికా అధికారులకు భారత్‌కి అప్పగించేశారు. ప్రస్తుతం రాణాను తీసుకొని, భారతీయ అధికారుల బృందం భారత్‌కు పయనమైనట్లు తెలుస్తోంది. ఈ విషయాలు అంతర్జాతీయ ఆంగ్ల పత్రికలు పేర్కొన్నాయి. బుధవారం రాత్రికల్లా లేదా గురువారం ఉదయం కల్లా అతనితో మన అధికారులో భారత్‌కి చేరుకోనున్నారు.