గోంగూర

వెల్లులి బెట్టి పొగిచిన

పుల్లని గోంగూర రుచిని బొగడగ వశమా?

మొల్లముగ  నూని వేసుక

కొల్లగ  భుజియింపవలయు గువ్వల చెన్నా!

పైన చెప్పిన పద్యం గువ్వలచెన్న శతకంలోనిది. దీనిలో ఆ కవి వర్ణించిన తీరు చూస్తుంటే తెలుస్తుంది. గోంగూర గొప్పతనం. ఇప్పుడు మీకు దానిలోని పోషక విలువలు గురించి చూద్దాం.

–     దీనిని సంస్కృతంలో పీలు, గుచ్ఛఫల, ఉష్ణప్రియ అని కూడా పిలుస్తారు.

–     ఆకుకూరలలో ఇది మిక్కిలి ప్రశస్తమైనది.

–     ఈ ఆకుల్లో రాగి ఎక్కువ ఉంటుంది.

–     దీనిలో పోటాష్‌ కూడా ఉంటుంది.

–      ప్రాచీన ఆయుర్వేద గ్రంథాలలో గోంగూరని వేడిని కలుగజేసేదిగా పేర్కొన్నది. బలం కలుగచేసే ఆకుకూర గా తెలియచేశారు .

–       రక్తపిత్తవ్యాధి అనగా నోటినుంచి రక్తం పడు వ్యాధిని హరించును.

–      శరీరంలోపలి గడ్డలు, మూలవ్యాధి, స్ప్లీన్‌ సంబంధ సమస్యలను నివారించవచ్చు.

–      వాతం, కఫం ఉన్నవారు దీనిని లోపలికి తీసుకోవలెను.

–      ఇది మంచిరసాయనం.

–       గోంగూర మంచి బలకారం అయిన శాకం. అందుకే గొంగూర పచ్చడి కోడి మాంసంతో సమానం అయినది అని చెప్తారు.

–      రే చీకటి రోగం కలవారు ఈ కూర చాలా మేలు చేస్తుంది.

–       గోంగూర ఉడికించిన నీళ్లు తాగుతూ చప్పిడి పథ్యం చేస్తే ఉబ్బురోగాలు తగ్గుతాయి అని చెప్తారు.

–       బోదకాలు వ్యాధి ఉన్నవారు వేపాకుతో పాటు గోంగూరని నూరి కాళ్లకు కడితే గుణకారిగా ఉంటుంది.

–     గేదల లేగదూడలకు నాలుగయిదు గోంగూర ఆకులు పెట్టడం వలన మల సమస్య తీరి ఆరోగ్యంగా ఎదుగుతాయి.

–      గోంగూరని ఎక్కువ ఉడికించడం, కుక్కర్లలో ఉడికించడం వలన దానిలోని జీవపోషకాలు నశిస్తాయి.

–       ఈ గోంగూరని ఎక్కువుగా వాడకూదు. శరీరంలో వేడిని పెంచుతుంది.  మలబద్దకం సమస్యను తెస్తుంది.

– ఉషాలావణ్య పప్పు

Leave a Reply

Your email address will not be published. Required fields are marked *

Open chat