హిందూ దేవాలయంపై దాడిని నిరసిస్తూ కెనడాలో హిందువుల భారీ ర్యాలీ

కెనడాలోని బ్రాంప్టన్ లో హిందువులు భారీ ర్యాలీ నిర్వహించారు. అక్కడి దేవాలయాలపై జరుగుతున్న దాడులను నిరసిస్తూ వేలాది మంది హిందువులు ఈ ర్యాలీలో పాల్గొన్నారు. హిందువులపై జరుగుతున్న హింస, దాడులను వెంటనే నిరోధించాలని, ఇందుకు చర్యలు తీసుకోవాలని అధికారులను డిమాండ్ చేశారు. ఈ సంఘీభావ ర్యాలీకి అక్కడి రాజకీయ నాయకులు, ఇతర సంఘాలు మద్దతిచ్చారు. అక్కడి లా ఎన్ ఫోర్స్ మెంట్ ఏజెన్సీలు ఖలిస్తానీలకు ఇక మద్దతివ్వద్దని డిమాండ్ చేశారు. ఈ విషయాన్ని కోయలిషన్ ఆఫ్ హిందూస్ ఆఫ్ నార్త్ అమెరికా అనే సంస్థ తన సోషల్ మీడియాలో వెల్లడించింది. ఈ సందర్భంగా కెనడాలోని హిందూ దేవాలయాలపై జరుగుతున్న దాడులను వివరిస్తూ… వెంటనే ఆపాలని సూచించారు. అలాగే దేశంలో హిందూ ఫోబియాను వెంటనే ఆపాలని పిలుపునిచ్చారు.