గొంతు సంబంధ సమస్యల నివారణ

–   శొంటి కొమ్మును పొడి చేసి తేనెతో కలిపి తీసుకుంటే గొంతు నొప్పి తగ్గును.

బొంగురు గొంతు

–   తేనెలో కొంచం మిరియాల పొడి వేసి తీసుకుంటే బొంగురుపోయిన గొంతు మాములుగా అవుతుంది.

–   మామిడి ఆకుల కషాయం అరకప్పు తీసుకుని అందులో చెంచా తేనె కలుపుకుని తాగాలి. అలా ఉదయం , సాయంత్రం రెండుపూటలా మూడు రోజుల పాటు తీసుకోవాలి .

–    ముల్లంగి రసాన్ని పూటకు పావుకప్పు తీసుకోవాలి .

–   చిన్న అల్లం ముక్క బుగ్గన పెట్టుకుని రసం మింగవచ్చు.

–  రాత్రి నిద్రపోవడానికి ముందు ఒక గ్లాసు వేడివేడి పాలలో ఒక చిన్న చెంచా మిరియాల పొడి కలుపుకుని తాగితే గొంతులో రొంప, గొంతు బొంగురు పోతాయి .

–   గొంతులో మంట, నుస ఉంటే లవంగ మొగ్గ నోటిలో వేసుకొని రసం మింగుతూ ఉండాలి.

–   చిన్నపిల్లలకు గొంతులో మంట, నుస ఉంటే వారితో అప్పుడప్పుడు లేత కొబ్బరి తినిపించాలి.

–   గొంతులో టాన్సిల్స్ ‌వాపు వచ్చినపుడు ఉల్లిగడ్డ దంచి ఆ రసం టాన్సిల్స్ ‌పై పూస్తే వాపు తగ్గుతుంది.

–   లేత కొబ్బరి వేర్ల కషాయం, మెంతుల కషాయంతో పుక్కిలిస్తే గొంతు మంట తగ్గును.

–   టాన్సిల్స్ ఇబ్బంది ఉన్నప్పుడు తాంబూలంలో వాడే కాచు పొడి చేసి పూటకు పావు చెంచా పొడి కొంచం తేనెతో కలిపి తీసుకోవాలి లేదా అరకప్పు నీటిలో కలిపి తాగాలి. ఇలా రోజు చేస్తే టాన్సిల్స్ ‌వాపు క్రమక్రంగా తగ్గుతుంది.

– ఉషాలావణ్య పప్పు

Leave a Reply

Your email address will not be published. Required fields are marked *

Open chat