రాజకీయ అనివార్యతల వల్లే వక్ఫ్ బిల్లును వ్యతిరేకిస్తున్నారు : రవిశంకర్ ప్రసాద్

కేంద్ర ప్రభుత్వం లోకసభలో వక్ఫ్ సవరణ బిల్లుని నేడు ప్రవేశపెట్టింది. పార్లమెంటరీ వ్యవహారాలు, మైనారిటీ వ్యవహారాల మంత్రి కిరణ్ రిజిజు దీనిని ప్రవేశపెట్టారు. బీజేపీ పక్షాన సీనియర్ ఎంపీ, కేంద్ర మాజీ మంత్రి రవిశంకర్ ప్రసాద్ ప్రస్తావించారు. వక్ఫ్ బిల్లు రాజ్యాంగ విరుద్ధమంటూ ప్రతిపక్షాలు చేస్తున్న ఆరోపణలు అర్థం పర్థంలేని వాదన అని కొట్టి పారేశారు. రాజ్యాంగంలోని ఆర్టికల్స్ ని ఉటంకిస్తూ.. విపక్షాల వాదనను సమర్థవంతంగా తిప్పికొట్టారు. ఒక్కో పాయింట్ ఆధారంగా పక్కాగా జవాబునిచ్చారు.

వక్ఫ్ బిల్లు వెనుకబడిన ముస్లింల కోసం, ముస్లిం మహిళల అభ్యున్నతి కోసం ఉపయోగపడుతుందన్నారు. కేవలం రాజకీయ అనివార్యతల కారణంగానే విపక్షాలు వక్ఫ్ బిల్లును విపక్షాలు వ్యతిరేకిస్తున్నట్టు కనిపిస్తోందన్నారు.బిల్లుకు కాంగ్రెస్ సారథ్యంలోని విపక్షం పదపదే అభ్యంతరాలు చెబుతుండటం తనకు ఆశ్చర్యం కలిగిస్తోంది. ముస్లిం కమ్యూనిటీ సంక్షేమం నుంచి ఏ అనివార్యతల కారణంగా వెనక్కి మళ్లారని ప్రశ్నించారు.