జోధ్‌పూర్ వేదికగా ఆరెస్సెస్ ‘‘సమన్వయ్ బైఠక్’’

రాష్ట్రీయ స్వయంసేవక్ సంఘ్ అఖిల భారతీయ సమన్వయ సమావేశం రాజస్థాన్ లోని జోధ్‌పూర్ లో జరగనున్నాయి. సెప్టెంబర్ 5,6,7 తేదీల్లో ఈ సమావేశాలు జరుగుతాయి. ఈ సమన్వయ సమావేశాలు ప్రతి సంవత్సరం కూడా జరుగుతాయి. గత సమన్వయ సమావేశాలు కేరళలోని పాలక్కాడ్ కేంద్రంగా జరిగిన విషయం తెలిసిందే.

ఈ సమన్వయ సమావేశాలకు రాష్ట్రీయ స్వయంసేవక్ సంఘ్ ను స్ఫూర్తిగా తీసుకొని, సమాజంలో పనిచేస్తున్న వివిధ సంస్థల నుంచి ఎంపిక చేసిన ప్రతినిధులు హాజరవుతున్నారు. అన్ని సంస్థల ప్రతినిధులు వారి వారి క్షేత్రాలకు సంబంధించిన అనుభవాలు, ప్రస్తుత పరిస్థితిని ఈ సమావేశం ముందు వుంచుతారు. అలాగే సంఘ కార్య శతాబ్దిని పురస్కరించుకొని, తమ తమ కార్య క్షేత్రాల్లో యోజన చేసిన అంశాలను కూడా సభ ముందు వుంచుతారు. అలాగే ఈ సమావేశాల్లో జాతీయ ఐక్యత, భద్రత, సామాజిక అంశాలతో పాటు దేశంలోని పరిస్థితులపై లోతైన చర్చ జరుగుతుంది. ఇటీవల దేశంలో చోటు చేసుకున్న ముఖ్య సంఘటనలపై లోతైన విశ్లేషణ కూడా చేస్తారు.