శక్తి సంపన్నులం కావాలి
ప.పూ. సర్‌సంఘచాలక్‌ విజయదశమి ఉత్సవ ప్రసంగం
విజయదశమి ఉత్సవాన్ని పురస్కరించుకొని రాష్ట్రీయ స్వయంసేవక్‌ సంఘ్ పరమ పూజనీయ సర్‌సంఫ్‌ుచాలక్‌ డాక్టర్‌ మోహన్‌ భాగవత్‌ నాగపూర్‌లో స్వయంసేవకులనుద్దేశించి ప్రసంగం చేశారు. ఈ ఉత్సవానికి ముఖ్య అతిథిగా ఇస్రో మాజీ చైర్మన్‌ డా.కే. రాధాకృష్ణన్‌ హాజరయ్యారు. డా. మోహన్‌ భాగవత్‌ ప్రసంగంలోని ముఖ్యాంశాలు…
వ్యక్తిగత, జాతీయ శీలం
వివిధ రంగాలలో మరియు వివిధ కాలాలలో పనిచేసిన ఈ వ్యక్తులందరి జీవిత ప్రవర్తన గురించి కొన్ని అసాధారణ విషయాలు ఉన్నాయి. నిస్వార్థం, నిరాసక్తత, నిర్భయత వంటివి వారి స్వభావం. పోరాట కర్తవ్యం తలెత్తినప్పుడల్లా, వారు దానిని పూర్తి శక్తితో, అవసరమైతే కఠినంగా నిర్వహించారు. కానీ వారు ఎప్పుడూ ద్వేషం లేదా శత్రుత్వం కలిగి ఉండేవారు కాదు. ప్రకాశవంతమైన నిరాడంబరత వారి జీవితం యొక్క ముఖ్య లక్షణం.
దేశ వ్యతిరేక ప్రయత్నాలు
బంగ్లాదేశ్‌లో ఇప్పుడే జరిగిన హింసాత్మక తిరుగుబాటుకు తక్షణ, స్థానిక కారణాలు ఆ అభివృద్ధికి సంబంధించిన ఒక అంశం. కానీ హిందూ సమాజంపై అనవసరంగా క్రూరమైన దురాగతాల సంప్రదాయం మళ్లీ పునరావృతమైంది. ఆ దురాగతాలకు నిరసనగా అక్కడ ఉన్న హిందూ సమాజం ఈసారి సంఘటితమై తమను తాము రక్షించుకోవడానికి ఇంటి నుండి బయటకు వచ్చింది. అందువల్ల కొంత రక్షణ ఉంది. అయితే ఈ నిరంకుశ ఛాందసవాద స్వభావం ఉన్నంత కాలం అక్కడి హిందువులతో సహా అన్ని మైనారిటీ వర్గాల తలలపై ప్రమాదపు కత్తి వేలాడుతూనే ఉంటుంది.
‘డీప్‌ స్టేట్‌’, ‘వోకిజం’, ‘కల్చరల్‌ మార్క్సిస్ట్‌’…
‘డీప్‌ స్టేట్‌’, ‘వోకిజం’, ‘కల్చరల్‌ మార్క్సిస్ట్‌’ ఇలాంటి మాటలు ఈ రోజుల్లో చర్చలో ఉన్నాయి. నిజానికి, వారు అన్ని సంస్కృతీ సంప్రదాయాలకు శత్రువులుగా ప్రకటించబడ్డారు. సాంస్కృతిక విలువలు, సంప్రదాయాలు, శ్రేష్ఠమైనవిగా లేదా శుభమైనవిగా పరిగణించబడే వాటిని పూర్తిగా నాశనం చేయడం ఈ సమూహం పనితీరులో భాగం.
సమాజపు ఆలోచనను రూపొందించే యంత్రాంగాలు, సంస్థలు-ఉదాహరణకు విద్యా వ్యవస్థ, విద్యాసంస్థలు, కమ్యూనికేషన్‌ మీడియా, మేధోపరమైన సంభాషణలు మొదలైన వాటిని వాటి ప్రభావంలోకి తీసుకురావడం, వాటి ద్వారా సమాజంలోని ఆలోచనలు, విలువలు, నమ్మకాలను నాశనం చేయడం, ఈ పద్దతి యొక్క మొదటి దశ.
మతోన్మాదాన్ని రెచ్చగొట్టే ఘటనలు
పరిస్థితి లేదా విధానాల పట్ల అసంతృప్తి ఉండవచ్చు, కానీ దానిని వ్యక్తీకరించడానికి, వాటిని వ్యతిరేకించడానికి ప్రజాస్వామ్య మార్గాలు ఉన్నాయి. వారిని అనుసరించకుండా హింసకు పాల్పడడం, సమాజంలోని ఏ ఒక్కరి పైన గాని లేదా ఇతర నిర్దిష్ట వర్గాలపై గాని దాడి చేయడం, ఎటువంటి కారణం లేకుండా హింసకు పాల్పడడం, భయాన్ని సృష్టించడానికి ప్రయత్నించడం వంటివి గూండా యిజం అవుతాయి. దీన్ని ప్రేరేపించే ప్రయత్నాలు జరుగుతున్నాయి లేదా అది ఒక ప్రణాళికాబద్ధంగా జరుగుతుందనే విషయాన్ని గౌరవనీయులైన డాక్టర్‌ బాబాసాహెబ్‌ అంబేద్కర్‌ ‘అరాచకత్వానికి వ్యాకరణం’గా పేర్కొన్నారు.
సద్భావన – సమరసత
సమాజపు ఆరోగ్యకరమైన, బలమైన స్థితికి మొదటి షరతు సామాజిక సామరస్యం, సమాజం లోని వివిధ వర్గాల మధ్య పరస్పర అవగాహన. ఈ పని కేవలం కొన్ని ప్రతీకాత్మక కార్యక్రమాలను నిర్వహించడం ద్వారా సాధించబడదు. సమాజం లోని అన్ని తరగతులు, స్థాయిలలో వ్యక్తులు, కుటుంబాల మధ్య స్నేహం ఉండాలి. మన మందరం వ్యక్తిగత, కుటుంబ స్థాయిలో ఈ చొరవ తీసుకోవాలి. దేవాలయాలు, జలాశయాలు, శ్మశాన వాటికలు మొదలైన ప్రజాప్రయోజనాలు, పూజ్య స్థలాల్లో సమాజంలోని అన్ని వర్గాల వారు పాల్గొనే వాతావరణం ఉండాలి. పరిస్థితుల దృష్ట్యా సమాజంలోని బలహీన వర్గాల అవసరాలను అన్ని వర్గాలవారు అర్థం చేసుకోవాలి.
పర్యావరణం
మన భారతదేశపు సంప్రదాయం నుండి పొందిన సంపూర్ణ, సమగ్ర, ఏకీకృత దృష్టి ఆధారంగా మన అభివృద్ధి పథాన్ని రూపొందించుకోవాలి, కానీ మనం అలా చేయలేదు. ప్రస్తుతం ఈ తరహా ఆలోచనలు కొంచెం వినిపిస్తున్నా, పైకి మాత్రం కొన్ని విషయాలు అంగీకరించబడ్డాయి, కొన్ని విషయాలు మారాయి. ఇంతకు మించి మరే పనీ జరగలేదు. ఇంకా ఎంతో జరగాల్సి ఉంది.
కుటుంబ విలువల పునరుద్ధరణ
విద్య యొక్క పునాదులు, వాటి ఫలితంగా ఉత్పన్నమయ్యే వ్యక్తిత్వం ఇంట్లోనే 3 నుండి 12 సంవత్సరాల మధ్య వయస్సులో ఏర్పడతాయి. ఇంట్లో పెద్దల ప్రవర్తన, ఇంట్లో వాతావరణం, ఇంట్లో జరిగే ఆంతరంగిక సంభాషణల ద్వారా ఈ విద్య సిద్ధిస్తుంది. మనలో ప్రతి ఒక్కరూ, మన ఇంటి గురించి చింతిస్తూ, ఈ సంభాషణను ప్రారంభించవలసి ఉంటుంది.
పౌర క్రమశిక్షణ
మనం కలిసి జీవిస్తున్నప్పుడు, ఒకరి పట్ల ఒకరు కనబరిచే మన ప్రవర్తనలో కొన్ని విధులు మరియు క్రమశిక్షణలు ఉంటాయి. భారత ప్రజలమైన మనం ఈ నిబద్ధతను రాజ్యాంగం ద్వారా ఇచ్చాము. రాజ్యాంగ ప్రవేశికలోని ఈ వాక్య స్ఫూర్తిని దృష్టిలో ఉంచుకుని, ప్రతి ఒక్కరూ రాజ్యాంగం, చట్టం అందించిన విధులను సమర్థంగా నిర్వర్తించాలి. చిన్నా పెద్దా అన్ని విషయాల్లోనూ ఈ నియమాన్ని, వ్యవస్థను మనం పాటించాలి.
ఆత్మగౌరవం
వీటన్నింటిని నిరంతరం కొనసాగించడానికి, అవసరమైన ప్రేరణ ‘ఆత్మగౌరవం’. మనం ఎవరు ? మన సంప్రదాయం, మన గమ్యం ఏమిటి? భారతీయులుగా, మనకు వైవిధ్యాలు ఉన్నప్పటికీ, పురాతన కాలం నుండి వారసత్వంగా వచ్చిన ఒక విస్తృతమైన, అన్నిటి సమ్మేళనం అయిన మానవ గుర్తింపు యొక్క స్పష్టమైన రూపం ఏమిటి? ఈ విషయాలన్నింటిపై ప్రతి ఒక్కరికీ అవగాహన అవసరం.
స్వదేశీ ఆచరణ
ఇంట్లో తయారు చేయగలిగేవాటిని బయటి నుండి దిగుమతి చెయ్యవద్దు. మన దేశంలోనే వీలైనంత ఎక్కువ ఉద్యోగితను కల్పించాలి. దేశంలో తయారు చేయగలిగినవాటిని బయటి నుంచి దిగుమతి చేసుకోవద్దు. ప్రత్యామ్నాయం లేని, జీవనావశ్యకమైనటువంటివాటిని మాత్రమే బయటి దేశాల నుండి తీసుకురావచ్చు.
ఏకీకృత శక్తి, స్వచ్ఛమైన శీలం పురోగతికి ఆధారం..
భారత్‌ యొక్క శక్తి పెరుగుతున్న కొద్దీ, భారత్‌ను మరింతగా అంగీకరిస్తారు. ప్రపంచం బలహీనులను లెక్క చెయ్యదు, బలవంతులను ఆరాధిస్తుంది.
